„სჯობს, იყოს ექიმების კონსულტაციები და გადაწყვეტილება ასე მიიღონ", აცხადებს საპარლამენტო უმრავლესობის წევრი გურამ მაჭარაშვილი. მისი განმარტებით, მიხეილ სააკაშვილზე ხელისუფლება უფრო ზრუნავს, ვიდრე მისი მომხრეები, რადგან აქციებითა და რადიკალური გამოსვლებით მხოლოდ პოლიტიკური სპეკულაცია შეიძლება იყოს.
"მიხეილ სააკაშვილის ჯანმრთელობის მდგომარეობით პოლიტიკურად სპეკულირებენ. ნაცვლად იმისა, რომ ხელისუფლებას სამოქალაქო კლინიკაში გადაყვანა მოუწოდონ და შიმშილობის შეწყვეტა მოსთხოვონ, ამას არ აკეთებენ ან ნაკლებად აკეთებენ. სამოქალაქო კლინიკაში გადაყვანის მოთხოვნასთან ერთად, სააკაშვილის მიმართაც უნდა ჰქონდეთ მიმართვა, რომ შიმშილობა შეწყვიტოს“, – განაცხადა გურამ მაჭარაშვილმა.