პარლამენტის წევრები დავით სერგეენკო, მიხეილ სარჯველაძე და დიმიტრი ხუნდაძე ვითარების შესაფასებლად გლდანიას მე-18 სამკურნალო დაწესებულებაში იმყოფებოდნენ, სადაც სამედიცონო პერსონალს შეხვდნენ.
როგორც სერგეენკომ პარლამენტის შენობაში გამართულ ბრიფონგზე განაცხადა, ამჟამად სააკაშვილის მდგომარეობა სტაბილურია, თუმცა იყო გარკვეული პრობლემები, რომლის სტაბილიზაცია მალევე მოხერხდა.
მისი თქმით, ექიმი-სპეციალისტები ჩამოწერენ უახლოესი საათების სამუშაო გეგმას, რა შემდგომი კვლევები და სერვისები არის საჭირო.
„კონკრეტულად რა იქნება ეს სერვისები, ადგილზე განხორციელდება, თუ გახდება მისი გადაყვანა საჭირო, ეს გადაწყდება ამ საათების განმავლობაში ჩატარებული კონსულტაციების შემდეგ. აქამდე ჩატარებული კონსილიუმები მიძღვნილი იყო სამედიცინო დაწესებულების ერთგვარი აუდიტისადმი, თუ რამდენად შეეძლო ამ სამედიცინო დაწესებულებას პოტენციურად ასეთ პაციენტის მართვა. დღევანდელი კონსულტაციები, რომლიდანაც ერთ-ერთი ნევროლოგიური უკვე დასრულდა, მიძღვნილია კონკრეტულად იმ მდგომარეობისათვის, რაც განვითარდა საღამოს საათების განმავლობაში ამისთვის რა კვლევები და კონსულტაციები არის საჭირო, ეს არის კონკრეტული სამოქმედო გეგმა, უახლოესი საათების განმავლობაში. თუკი ეს კვლევები, რასაც დანიშნავენ კონსულტანტები, შესაძლებელი იქნება ჩატარდეს ადგილზე, ჩატარდება ადგილზე, თუკი საჭირო გახდება გადაყვანა, პაციენტი გადავა. ერთადერთი გადაწყვეტილების საფუძველი არის, სამედიცინო ჩვენებები“, – განაცხადა დავით სერგეენკომ.