მნიშვნელოვნად გაიზარდა უცხოელ ვიზიტორთა რაოდენობაც, ასე მაგალითად 2010 წელს სულ აჭარას ეწვია 292061 ვიზიტორი, რაც 2009 წლის მონაცემებთან შედარებით 93,1 %-ით მეტია, 2009 წლის 16 ნოემბრის მდგომარეობით აჭარაში ჩამოსულ უცხოელ ვიზიტორთა რაოდენობა იყო 151227;

ჩამოსვლების მიხედვით ლიდერია თურქი ვიზიტორები - 125946 და შეადგინა უცხოელ ვიზიტორთა 43,1 %, შემდეგ მოდის ვიზიტორები სომხეთიდან - 96294 33 %-ით და აზერბაიჯანელი ვიზიტორები 40192 17, 8 %-ით.

2010 წელს მნიშვნელოვნად გაიზარდა ვიზიტორთა რაოდენობა ირანიდან, სულ წელს ჩამოვიდა 4122 ირანელი ვიზიტორი, 2009 წლის 15 ნოემბრის მდგომარეობით სულ აჭარაში დაისვენა 229 ირანელმა ვიზიტორმა. მკვეთრად იამტა ასევე უკრაინელი ვიზიტორების რაოდენობამ. 2010 წლის 15 ნოემბრის მდგომარეობით, სულ აჭარას ეწვია 6894 უკრაინელი ვიზიტორი, რაც 2009 წლის დროის იმავე პერიოდთან შედარებით 215, 2 % -ით მეტია.

ვიზიტორთა მკვეთრი მატება გამოწვეულია იმით რომ უკვე აჭარაში დასვენება არ იგივდება მხოლოდ ზღვაზე დასვენებასთან, წლის ნებისმიერ დროს იმართება სხვადასხვა გასართობი ღონისძიებები, გამრავალფეროვნდა ტურისტული პროდუქტი, განვითარდა საკრუიზო ტურიზმი, ეკოტურიზმი, სასოფლო ტურიზმი, მიმდინარეობს მიზნობრივი მუშაობა პოტენციურ ბაზრებზე რეგიონის ტურისტული პროდუქტების უკეთ რეკლამირების და პრომოუშენის მხრივ, გაუმჯობესდა მომსახურების სერვისი, იმატა განმეორებითი ვიზიდების ხარისხმა, ყველაფერი ეს ხელს უწყობს აჭარაში ტურიზმის განვითარებას და უფრო მეტი და მეტი ვიზიტორების მოზიდვას.

აჭარის ტურიზმისა და კურორტების დეპარტამენტი 2011 წელს პროგნოზით 1 500 000 ვიზიტორს ელოდება.