დღეს პარიზში გამართულ ევროპის ბიზნეს დაჯილდოებაზე ვისოლ ჯგუფი 15000 წარმატებულ ევროპულ კომპანიას შორის შერჩეულ 10 საუკეთესო ბრენდს შორის დასახელდა. ვისოლი ერთადერთი ქართული კომპანიაა, რომელსაც ევროპის ბიზნეს დაჯილდოების უმაღლესი ჯილდო ერგო წარმატებული ბიზნეს საქმიანობისათვის.
როგორც პარიზიდან თორნიკე გურულმა «ვისოლის» მარკეტინგის დირექტორმა გვაცნობა: «მოხარული ვარ, რომ ევროპის ბიზნეს დაჯილდოებაზე ევროკავშირის 27 ქვეყნის 15000-მდე კომპანიას შორის გამარჯვებულ 10 წარმატებულ ევროპულ კომპანიას შორისაა ვისოლ ჯგუფი. ეს ვისოლის წარმატებული ბიზნეს საქმიანობის კიდევ ერთი მნიშვნელოვანი აღიარებაა. წელს საქართველო პირველად მონაწილეობდა კონკურსში და მოხარულები ვართ, რომ არამხოლოდ ჩვენი კომპანიის, არამედ ჩვენს ქვეყანაში წარმატებული ბიზნეს საქმიანობის მაგალითის წარდგენის საშუალბა მოგვეცა ევროპის მასშტაბით.»
ევროპული ბიზნეს დაჯილდოება ოთხი წელია რაც არსებობს და მხოლოდ ევროკავშირის მასშტაბით მოღვაწე კომპანიებს აქვთ მონაწილეობის უფლება. ეიჩ ეს ბი სი ბანკის რეკომენდაციით წელს ქართულ კომპანიებსაც მიეცათ საშუალება წარმატებულ ევროპულ კომპანიებს შორის წარმოჩენილიყვნენ. ეიჩ ეს ბი სი ბანკი ღონისძიების სპონსორია.
