მაინტერესებს, რამდენი ხანი უნდა გამოიყენოს პენიტენციურმა სამსახურმა, სახელმწიფო უსაფრთხოების სამსახურის ეს სრული ბოდვა და ყოველდღე ერთი და იგივე ტექსტი უნდა იმეორონ თუ არა?, - აცხადებს საქართველოს მესამე პრეზიდენტის ერთ-ერთი ადვოკატი დიმიტრი საძაგლიშვილი.
როგორც საძალიშვილმა მიხეილ სააკაშვილის ბრალდების საქმეზე სასამართლო სხდომის დაწყებამდე განაცხადა, ამ „საქმეზე“ უკვე ერთ თვეზე მეტია გამოძიება დაწყებულია და გარდა გაუგებარი ჩანაწერებისა, არაფერი მოგვისმენია.
„მინდა გამოვეხმაურო პენიტენციური სამსახურის მიერ დასახელებულ მიზეზს, რომ არსებობს საფრთხე უსაფრთხოებასთან დაკავშირებით, რომ შეიძლება ექსცესებს ჰქონდეს ადგილი, საუბარია 500-600 მანქანით ექსკორტირების შეფერხებაზე. მაინტერესებს, რამდენი ხანი უნდა გამოიყენოს პენიტენციურმა სამსახურმა, სახელმწიფო უსაფრთხოების სამსახურის ეს სრული ბოდვა და ყოველდღე ერთი და იგივე ტექსტი უნდა იმეორონ თუ არა? მანქანების რაოდენობა მაინც შეცვალონ და 500-600-ის ნაცვლად 400- 500 თქვან პერიოდულად, რომ ცოტა სიახლის განცდა მაინც დაგვიტოვონ. მოგეხსენებათ, ამ „საქმეზე“ უკვე ერთ თვეზე მეტია გამოძიება დაწყებულია და გარდა გაუგებარი ჩანაწერებისა, არაფერი მოგვისმენია, არცერთი რეალური ქმედითი ღონისძიება არ გვინახავს სუს-ის მხრიდან გადადგმული და ვერც ვნახავთ, იმიტომ, რომ ეს გამოძიებაც ხომ ზუსტად იმიტომ დაიწყეს, რომ ეს იყო საარჩევნო კამპანიის შემადგენელი ნაწილი და მერე ახლა, კარგად გამოიყენეს „გასაპრავებლად“ სააკაშვილის სასამართლო პროცესებზე არმიყვანის მიზნით“, - აცხადებს საძაგლიშვილი.