მსოფლიო დიაბეტის დღე აღინიშნება ყოველი წლის 14 ნოემბერს. ღონისძიებას ატარებს დიაბეტის საერთაშორისო ფედერაცია (IDF) და მისი წევრი ასოციაციები. ის აერთიანებს მსოფლიოს მილიონობით ადამიანს დიაბეტთან ბრძოლაში. მსოფლიო დიაბეტის დღე დაარსდა 1991წ. IDF-ისა და ჯანმოს მიერ.

საქართველოს ჯანმრთელობის ეროვნული სააგენტო ადმინისტრირებას უწევს დიაბეტის მართვის სახელმწიფო პროგრამას.

1 წლის მონაცემებით (01.09.2020 - 01.09 2021):

•  დიაბეტით დაავადებულ 1 288 ბავშვს 1 683 366 ლარით დაუფინანსდა 13 981 სამედიცინო შემთხვევა;

• მედიკამენტებით უზრუნველყოფილია 29 633 ბენეფიციარი, დაფინანსება-13 286 061;

• ამბოლატორიული დახმარება გაეწია 3 268 პირს, დაფინანსება - 510 109.

14 ნოემბერი ფრედერიკ ბანტინგის დაბადების დღეა . მან 1922 წელს, ჩარლზ ბესტთან ერთად, კაცობრიობას ინსულინი აჩუქა.

მსოფლიოში დიაბეტით, დაახლოებით, 422 მილიონი ადამიანია დაავადებული.

IDF-ის მონაცემებით მსოფლიოში 344 მილიონი ადამიანი არის ტიპი 2 დიაბეტის რისკის ქვეშ. მისი პრევენცია ბევრ შემთხვევაში შესაძლებელია წონის კორექციით და რეგულარული ვარჯიშებით. მსოფლიო დიაბეტის დღე აღინიშნება 212 წევრი ასოციაციის მიერ, 160-ზე მეტ ქვეყანაში, გაერთიანებული ერების ყველა წევრ სახელმწიფოში.