გაიფიცოს მთელი ქვეყანა! რად გინდათ ბიზნესი ან რამე ტოტალიტარულ სახელმწიფოში?! - წერს სოციალურ ქსელში Mercedes-Benz Fashion Week Tbilisi-ის დამფუძებელი, სოფო ჭყონია.
სოფო ჭყონია მოქალაქეებს მოუწოდებს, მოითხოვონ მიხეილ სააკაშვილის სამოქალაქო კლინიკაში გადაყვანა.
"გაიფიცოს მთელი ქვეყანა! რად გინდათ ბიზნესი ან რამე ტოტალიტარულ სახელმწიფოში?! აღარ არის არაფრის დრო! ქვეყანას ვკარგავთ", - წერს ჭყონია.
მანამდე გამოქვეყნებულ პოსტში სოფო ჭყონია წერს, რომ ყველა, ვინც შექმნილ მდგომარეობაში დუმს, მკვლელობის თანამონაწილეა.
"ჩემო მდუმარე “მეგობრებო” თქვენ ყველა ხდებით მკვლელობის და წამების მონაწილე. რუსებს ტანკიც კი არ დაჭირდათ რომ ეს ქვეყანა დაეპყროთ! "არის ომზე საშიში რამეებიც ამ ქვეყნად, ესენია: სიმხდალე, ღალატი და ეგოიზმი" - ერნესტ ჰემინგუეი", - წერს სოფო ჭყონია.