ესტონეთის ყოფილი პრეზიდენტი ტოომას ჰენდრიკ ილვესი პენიტენციური სამსახურის მიერ გავრცელებულ მიხეილ სააკაშვილის კადრებსა და საქართველოში არსებულ ვითარებას ეხმიანება.
ილვესის თქმით, ბელარუსის საზღვართან არსებული კრიზისის ფონზე, ევროკავშირი საქართველოს მიმართ ნაკლებ ყურადღება იჩენს, რაც საქართველოს უსაფრთხოებისთვის პრობლემას წარმოადგენს.
"თუმცა, მე ვერ ვხედავ ევროკავშირის ყოფნის დიდ საჭიროებას ერთ დროს მნიშვნელოვან ქვეყანაში, რომელიც აზიურ დესპოტურ რეჟიმებს შორის, ევროპული გამონაკლისი იყო. ვერ ვხვდები, ჩემმა ქვეყანამ ან სხვა ქვეყნებმა, რატომ უნდა დახარჯონ ფული, საკუთარი საელჩოების დაკომპლექტებაში?", -წერს ილვესი.
ილვესის თქმით, საქართველო იმ გზას ადგას, რომელიც ცენტრალური აზიის დესპოტურმა რეჟიმებმა გაიარეს.
საქართველო, [ბორის ყურუას დაკავების] მსგავსი ინცინდენტებითა და პრეზიდენტ სააკაშვილის მიმართ ძალადობის ამსახველი შემზარავი ფილმით, იმ გზას ადგას, რომელიც ცენტრალური აზიის დესპოტურმა რეჟიმება გაიარეს. მათ არც დასავლური და ევროპული ნორმები ანაღვლებთ, როგორც ჩანს, არც ქართული", - წერს ილვესი.
