სახელმწიფო სისტემა სააკაშვილს ექცევა ყველა კანონის და მისი უფლების დაცვით - აცხადებს პარლამენტის აგრარული კომიტეტის თავმჯდომარე ნინო წილოსანი ტელეკომპანია "პირველის" ეთერში.
წილოსანის განცხადებით, პენიტენციური სამსახურის მიერ კადრების გასაჯაროება საზოგადოების ინფორმირებას ემსახურება.
"ამ კადრების გავრცელება მიზნად ისახავდა საზოგადოების ინფორმირებას, იმიტომ რომ ვხვდებით, თუ რამდენად დიდია ინტერესი ამ საკითხთან დაკავშირებით... სახელმწიფო სისტემა, ისევე როგორც კონკრეტულად პანიტენციური სამსახური მიხეილ სააკაშვილს ექცევა ყველა კანონის და მისი უფლების დაცვით. არავინ დაუშვებს, რომ მან ეძალადოს პენიტენციური სისტემის თანამშრომლებს", - თქვა წილოსანმა.
შეგახსენებთ, სპეციალურმა პენიტენციურმა სამსახურმა მიხეილ სააკაშვილის მე-18 დაწესებულებაში შეყვანის კადრები გაასაჯაროვა.