"ნაციონალური მოძრაობის“ გადასაწყვეტია, როგორი სახის აქციებს ჩაატარებს, მაგრამ ვფიქრობ, მოქალაქეებისთვის ასეთი ფორმები მიუღებელიც არის და გაუგებარიც, - აცხადებს პარტია "მოქალაქეების" ერთ-ერთი ლიდერი ლევან იოსელიანი.
მისი თქმით, ამ ყველაფერმა ხალხი ძალიან გადაღალა.
"რაც შეეხება საპროტესტო აქციებს, მისი არც დრამატურგია და არც შინაარსი არ მომწონს, რადგან ვხედავთ, სხვადასხვა ადგილზე 20-30 ადამიანის პოლიციასთან ძიძგილაობას, რაც არ არის ორგანიზებული აქცია, სადაც შეგიძლია, ხელისუფლებას მართლაც რაღაც დაათმობინო. „ნაციონალური მოძრაობის“ გადასაწყვეტია, როგორი სახის აქციებს ჩაატარებს, მაგრამ ვფიქრობ, მოქალაქეებისთვის ასეთი ფორმები მიუღებელიც არის და გაუგებარიც. ჩემი აზრით, ამ ყველაფერმა ხალხი ძალიან გადაღალა. მათი პოზიციაა, მიხეილ სააკაშვილი სამოქალაქო კლინიკაში იყოს გადაყვანილი და ეს ძიძგილაობა, დაკავებები-გამოშვებები, უწყვეტ ეთერში, ოთხ ფანჯარაში ამ ყველაფრის ყურება რას ემსახურება, გაუგებარია“, – განაცხადა იოსელიანმა.