საქართველოს პარლამენტის პირველი ვიცე-სპიკერი გიორგი ვოლსკი ეხმიანება საზოგადოების რეაქციას, რომელიც მოჰყვა მიხეილ სააკაშვილის მიმართ გლდანის ციხეში მყოფი პატიმრების შეყრაცხმყოფელ შეძახილებს.
ვოლსკის განცხადებით, ის აფორიაქება, სიტყვიერი შეურაცხყოფა არის მემილიონედი იმ დანაშაულების, რაც ციხეებში "ნაციონალურმა მოძრაობამ" ჩაიდინა.
მისივე თქმით, "ნაციონალური მოძრაობის" დროს გლდანის ციხე საკონცენტრაციო ბანაკად იყო გადაქცეული.
"როდესაც სახელმწიფო სისტემა, რომელიც პასუხისმგებელია პატიმრის ჯანმრთელობაზე, მის გადაყვანას გადაწყვეტს, პატიმარს არ უთანხმებს, რა უნდა გააკეთოს მისი ჯანმრთელობისა და უსაფრთხოების დასაცავად...
არც იმას გამოვრიცხავ, რომ გადაყვანა შეთანხმებული იყო და შემდეგ მოიგონა, რომ შეთანხმება არ შემდგარა. პროვოკაციისთვის, რისი ექსპერტიც სააკაშვილია, ჯერ დათანხმდე, ხოლო შემდეგ თანხმობა გამოიყენო, რათა დაძაბულობის ახალი კერა შექმნა. დღემდე მგონია, რომ ვანო მერაბიშვილი კამერიდან გაყვანა მოიგონა, რადგან ჯერ თქვა, გაიყვანეს და შემდეგ ამბავი ატეხა", - განაცხადა გია ვოლსკიმ.