ორი საათის განმავლობაში არ ვიცოდით, სად იყო საქართველოს მესამე პრეზიდენტი პატიმარი. მე არ ვიცი, ამის იქით რა შეიძლება, მოხდეს. ნუ აი, სტრასბურგი დარჩა, – ამის შესახებ ჟურნალისტებს პარტია „კანონი და სამართლის“ ლიდერმა, თაკო ჩარკვინმა განუცხადა.
მისი თქმით, სახელმწიფოებრიობისთვის მიდის ბრძოლა.
„დავდივართ, დავძრწით ქუჩიდან ქუჩაში. არ მაინტერესებს არაფერი, აღარაფერი. ჩემთვის დროის ათვლა დაიწყო, სანამ ესენი არ წავლენ. შეურაცხყოფილი ვარ. იცით, რა ხდება, ყველას მოთხოვნაა. წამების მონაწილეები ვართ. ვუყურებთ ტელევიზორს, აბსოლუტურად ვერაფერს ვაკეთებთ. მოგვტაცეს, ყველანაირ კანონს არღვევენ ჩვენ თვალწინ. ამის უფლება არავის აქვს, რომ მისი უფლების გარეშე, ოჯახმა არაფერი იცოდეს, ადვოკატმა არ იცოდეს. ორი საათის განმავლობაში არ ვიცოდით, სად იყო საქართველოს მესამე პრეზიდენტი პატიმარი. მე არ ვიცი, ამის იქით რა შეიძლება, მოხდეს. ნუ აი, სტრასბურგი დარჩა. მთელი საქართველო უნდა ვიყოთ გარეთ. მე მინდა, რომ კარგად გავაანალიზოთ, რისთვის არის ბრძოლა. კონკრეტული პიროვნებისთვის კი არ არის ბრძოლა, ბატონებო, საქართველოს სახელმწიფოებრიობა დაგვალეწეს თავზე. გესმით, რაზეა საუბარი? აი, ყოველგვარი კანონის აღვირახსნილობაა. გვეუბნება, რომ მინდა, წყლის ჭავლს მოგიშვერ, გაგთელავ, გესვრი, მოვიტაცებ. ჩვენი შვილები რომ წაიყვანონ? ჩვენს ოჯახებში, აი, გავქრეთ. ზუსტად ასე შეიძლება, ოჯახებიდან გაიყვანონ ადამიანები“, – განაცხადა თაკო ჩარკვიანმა.
