"აშშ საქართველოს ტერიტორიულ მთლიანობას მხარს უჭერს", - შესაბამისი განცხადება აშშ-ს სახელმწიფო მდივანმა ჰილარი კლინტონმა, ვაშინგტონში, ლიტვის საგრეო საქმეთა მინიტრთან ერთად გამართულ ბრიფინგზე გააკეთა.
მისი თქმით, აშშ-რუსეთის ურთიერთობებში გარკვეული წინსვლა შეინიშნება, თუმცა მისივე თქმით, ეს იმას არ ნიშნავს, რომ ამის გამო შეერთებული შტატები სადაო საკითხებზე რუსეთთან კომპრომისზე წასვლას გეგმავს. ლიტვის საგარეო საქმეთა მინისტრმა კი აღნიშნა, რომ რუსეთთან ურთიერთობის ნორმალიზებას არ უნდა შეეწიროს ისეთი ღირებულებები, როგორიც არის ქვეყნის ტერიტორიული მთლიანობა, სუვერენიტეტი და ადამიანის უფლებები.
"ჩვენ ვიცავთ საკუთარ პრინციპებს და ვაგრძელებთ საქართველოს ტერიტორიული მთლიანობის მხარდაჭერას", - განაცხადა ჰილარი კლინტონმა.
