შეერთებულ შტატებში, ტეხასის შტატის ქალაქ ჰიუსტონში მუსიკალურ ფესტივალ Astroworld-ზე ჭყლეტის შედეგად რვა ადამიანი დაიღუპა, იუწყება Associated Press-ი.
გავრცელებული ინფორმაციით, ათეულობით ადამიანმა სხვადასხვა სახის დაზიანება მიიღო.
როგორც იუწყებიან, სცენაზე რეპერ ტრევის სკოტის გამოსვლისას, მაყურებელთა დიდმა რაოდენობამ სცენასთან მიახლოება დაიწყო, ამ დროს ზოგიერთმა მათგანმა წონასწორობა დაკარგა და დაეცა, რასაც მოჰყვა პანიკა.
მუსიკალური შოუს მიმდინარეობა მალევე შეწყდა. ადგილობრივი ხელისუფლების ინფორმაციით, საავადმყოფოში 17 ადამიანის გადაყვანა გახდა საჭირო.
ფესტივალზე 50 000-მდე ადამიანი იყო შეკრებილი. ის ორ დღეს უნდა გაგრძელებულიყო.
