პოლიციამ რუსთავის ციხესთან აქციის ორგანიზატორებს სცენის გამართვის შესაძლებლობა არ მისცა და საჭირო ტექნიკა ჩამოართვა.
სამხარეო პოლიციის უფროსის ლაშა გოგნიაშვილის განმარტებით, პოლიციამ ორგანიზატორებს აქციის გასამართად და სცენის დასამონტაჟებლად ალტერნატიული ტერიტორიაზე შესთავაზა, რაზედაც უარი მიიღო.
გოგნიაშვილის მტკიცებით, ალტერნატიული ადგილის შეთავაზება ციხის უსაფრთხოებიდან გამომდინარე მოხდა. მისივე თქმით, ჩამორთმეულ ტექნიკას მესაკუთრეს გადასცემენ.
შეგახსენებთ, დღეს, 17:00 საათზე, რუსთავის მე-12 პენიტენციურ დაწესებულებასთან მიხეილ სააკაშვილის სამოქალაქო კლინიკაში გადაყვანის მოთხოვნით საპროტესტო აქცია იგეგმება. „ნაციონალური მოძრაობის“ თავმჯდომარის ნიკა მელიას განცხადებით, აქცია იქნება პერმანენტული.