პარტია „კანონი და სამართლის“ ლიდერის თაკო ჩარკვიანის განცხადებით, სახელმწიფო მიტაცებულია და მისი დაბრუნების ერთადერთი ფორმაა ამბოხი, ჯანყი. ამის შესახებ თაკო ჩარკვიანმა ელენე ხოშტარიას შიმშილობის კომენტირებისას განაცხადა.
"ელენე ხოშტარიას პროტესტს მივესალმები, უფრო მეტიც, ეს არის ძალიან ვაჟკაცური და სწორი გადაწყვეტილება. ამ ყველაფერს შედეგი უნდა ჰქონდეს. გააჩნია, პროცესი როგორ გაგრძელდება. თუ არადა, ჩვენც შევუერთდებით და ეგ იქნება. სახელმწიფო არის მიტაცებული და რა ფორმაა ის, რითაც შეიძლება, სახელმწიფო დაიბრუნო? – ეს არის ერთადერთი ამბოხი, ჯანყი. ამ სიტყვის ძალიან ეშინიათ, სუსი-ს განცხადება ვნახე და სუს-ი კონვენციას ეწინააღმდეგება, რადგან კონვენციით მონიჭებული უფლებაა, კონვენციაში ასე წერია – ჯანყის უფლება. ეს არის არა შეიარაღება, არამედ დიდი რაოდენობის ხალხი სხვადასხვა ლოკაციაზე, არგაჩერება და პერმანენტული აქციები. ეს არის, რითაც შეიძლება, მიტაცებული სახელმწიფო დაიბრუნო", - თქვა ჩარკვიანმა.