მე, 7 ნოემბრის დაზარალებული, მაია ასათიანი ვითხოვ სააკაშვილის გათავისუფლებას - განაცხადა ჟურნალისტმა, მაია ასათიანმა რუსთავის მე-12 პენიტენციურ დაწესებულებასთან გამართულ საპროტესტო აქციაზე.
„იმას, რასაც ახლა ვიტყვი, ვერ წარმოვიდგენდი ვერასდროს, რომ ვიტყოდი. ერთ-ერთი საქმე არის 7 ნოემბრის საქმე. მე და ჩემი ბევრი კოლეგა ვართ 7 ნოემბრის დაზარალებულები. ნუთუ აქამდე არავის გაუჩნდა კითხვა, რომ ჩვენ, 7 ნოემბრის დაზარალებულები ვითხოვთ და ჩვენ ბევრნი ვართ, მე სახელებსა და გვარებს არ ჩამოვთვლი, რადგან ყველა ეს ადამიანი ახლა ოპოზიციურ მედიაში მუშაობს, უმეტესობა მათგანი და ყველა ითხოვს საქართველოს მესამე პრეზიდენტის თავისუფლებას, ნუთუ ეს არაფერს ნიშნავს? დიახ, მე, 7 ნოემბრის დაზარალებული, მაია ასათიანი ვითხოვ მის გათავისუფლებას“, განაცხადა მაია ასათიანმა.
