ეპიდსიტუაცია მკვეთრად გაუარესდა, ამას ერთვის ისიც, რომ მობილობა არის გაზრდილი, - აცხადებს ინფექციური პათოლოგიის და შიდსის ცენტრის ინფექციონისტი ალექსანდრე გოგინავა.
მისი თქმით, ვაქცინაცია წარმოადგენს მთავარ საბრძოლო საშუალებას პანდემიასთან და მოკლევადიან პერსპექტივაში.
"ეპიდსიტუაცია მკვეთრად გაუარესდა, ამას ერთვის ისიც, რომ მობილობა არის გაზრდილი. მოსახლეობის დიდი ნაწილი არ იტარებს ვაქცინაციას და ტემპი საკმაოდ დაბალია. აქედან გამომდინარე ის რისკებიც არსებობს, რომ ჰოსპიტალური სექტორი კიდევ უფრო გადაიტვირთოს.
შესაძლებელია საჭირო გახდეს დამატებითი შეზღუდვების დაწესება. ვაქცინაცია წარმოადგენს მთავარ საბრძოლო საშუალებას პანდემიასთან და მოკლევადიან პერსპექტივაში, რა თქმა უნდა ასევე მნიშვნელოვანია რეკომენდაციების დაცვა”, – ამბობს ალექსანდრე გოგინავა.
