მთავრობა კონტრაბანადასთან ბრძოლის მორიგ ეტაპზე გადადის. როგორც დღეს მთავრობის საპარლამენტო მდივანმა გია ხუროშვილმა განაცხადა, "საგადასახადო კოდექში" მორიგი ცვლილებები იგეგმება, რაც "კონტრაბანდისტს" ეკონომიკურ საზღვარზე გადაადგილებას ერთი წლის განმავლობაში უზღუდავს. ან მისი გადაადგილება გარკვეული საბანკო გარანტისის წარდგენის შემდეგ გახდება ნებადართული.
"ეკონომიკურ საზღვარზე ტვირთის უკანონო გადმოტანისათვის გათვალისწინებულია სახდელის ახალი ღონისძიება. ეს არის გადაადგილების შეზღუდვა ერთი წლის განმავლობაში. ამ ადამიანებს საზღვრის გადაკვეთის უფლება მიეცემათ იმ შემთხვევაში, თუკი ადამიანი წარადგენს 5000 ლარის გამოუხმობად საბანკო გარანტიას. როგორც ცნობილია, იყო ბევრი პრობლემა. ერთის მხრივ გამარტივებული პროცედურები გულისხმობს, გამკაცრებულ ადმინისტრირებას. ხელისუფლებამ ყველანაირად უნდა შევუშალოს ხელი კონტრაბანდას, რომელიც თავისუფალი საბაზრო ეკონომიკისათვის მავნეა",- განაცხადა გია ხუროშვილმა.
