პირდაპირი მნიშვნელობით, მე პირადად უნდა გამოვათრიო თმებით ირაკლი ღარიბაშ... იმას სად აქვს თმა... ირაკლი კობახიძე იმიტომ, რომ ეს ადამიანი არის მოღალატე, - ამის შესახებ ნაციონალური მოძრაობის დეპუტატმა, ნონა მამულაშვილმა ფორმულას ეთერში განაცხადა.
მისი თქმით, ირაკლი კობახიძე და სხვები არიან კოლექტიური ბიძინა ივანიშვილები.
"მე ვფიქრობ, რომ ირაკლი კობახიძე და ა.შ. არიან კოლექტიური ბიძინა ივანიშვილები. ამ, ხალხს ყველანაირი შეურაცხყოფა მოვუთმინეთ, რასაც დღემდე გვაყენებდნენ, ესენი არ არიან საქართველოს მოქალაქეები, ესენი არიან რუსეთის აგენტები და მათ უნდა ამოვექცეთ შესაბამისად, როგორც რუსეთის აგენტებს.
პირდაპირი მნიშვნელობით, მე პირადად უნდა გამოვათრიო [თმებით] ირაკლი ღარიბაშ... იმას სად აქვს თმა... ირაკლი კობახიძე იმიტომ, რომ ეს ადამიანი არის მოღალატე", - თქვა მამულაშვილმა.
დეპუტატი ურჩევს "ქართულ ოცნებას", რომ დროზე მოვიდეს გონს და გადაწყვიტოს რომელი რეისით შევა მოსკოვში.
„ჩვენ ვხედავთ, რომ „ქართული ოცნება“ არ აპირებს წასვლას და უზურპაციას აპირებს ხელისუფლების, ამიტომ ჩვენ ყველანაირ მშვიდობიან მეთოდს გამოვიყენებთ, რომ ეს ხალხი მოვაცილოთ აქაურობას და დავუბრუნოთ პირველივე რეისით პუტინს. იქნება აბსოლუტურად ყველა მეთოდი აქციების ჩათვლით, რომ მაქსიმალური დისკომფორტი შევუქმნათ ამ ხელისუფლებას, ვუთხრათ, რომ მათი წასვლის დრო დადგა. ამას აჯანყებას დავარქმევთ თუ აქციებს, ვფიქრობ რომ ერთსა იმავეზე ვსაუბრობთ. ამიტომ, მიუხედავად იმისა, რომ „ქართული ოცნება“ ცდილობს, დაგვაკომპლექსოს და გვათქმევინოს, რომ ჩვენ ძალადობრივ მეთოდებს გამოვიყენებთ, არ გამოვიყენებთ, სულ თმებით გამოვათრევ იმ კობახიძეს. ამიტომ, მე ვურჩევ „ქართულ ოცნებას“, რომ დროზე მოვიდეს გონს და გადაწყვიტოს რომელი რეისით შევა მოსკოვში, ამიტომ ველოდებით დღეს. ნიკა მელიამ როგორც თქვა, ბრძოლა იქნება უკომპრომისო, ამიტომ ყველა მეთოდს, რის უფლებასაც გვაძლევს კონსტიტუცია, გამოვიყენებთ. დღეს არის დაგეგმილი აქცია და ნიკა მელია ამის შესახებ გამოაცხადებს თავად“, – განაცხადა მამულაშვილმა.