ცენტრალური საარჩევნო კომისიის თავმჯდომარე, გიორგი კალანდარიშვილი აცხადებს, რომ ადგილობრივი თვითმმართველობის არჩევნების მეორე ტური შედგა.

მისი თქმით, ხარვეზების მიუხედავად, საარჩევნო პროცესი იყო საკმაოდ კონკურენტული.

„საარჩევნო პროცესი იყო საკმაოდ კონკურენტული. მიუხედავად ამისა, იყო ხარვეზებიც,თუმცა, საერთო ჯამში, არა მხოლოდ ჩვენი შეფასებით, საუბნო საარჩევნო კომისიებში მისულ ამომრჩევლებს დახვდათ კოვიდუსაფრთხო და პროფესიულ დონეზე ორგანიზებული საარჩევნო გარემო. მხოლოდ ცალკეულ შემთხვევებში, მცირედი ხნით, შეფერხდა კენჟისყრის პროცესი. რამდენიმე უბანზე, კონკრეტული ინციდენტების გამო, რასაც მთლიან კენჭისყრის პროცესზე გავლენა არ ჰქონია. არჩევნების მეორე ტური შედგა. მინდა, მადლობა გადავუხადო საარჩევნო პროცესებში ჩართულ მხარეებს, სადამკვირვებლო ორგანიზაციებს, მედიას და საარჩევნო სუბიექტებს, რომლებიც აქტიურად აკვირდებოდნენ კენჭისყრის დღეს“, - აღნიშნ აგიორგი კალანდარიშვილმა.

ცესკომ თვითმმართველი ქალაქებისა და თემების მერთა არჩევნების განახლებული წინასწარი მონაცემები წარადგინა. თითქმის ყველგან, „ქართული ოცნება“ იმარჯვებს.

ცენტრალური საარჩევნო კომისიის თავმჯდომარის, გიორგი კალანდარიშვილის თქმით, ხმების თითქმის 100% დათვლილია. განახლებული წინასწარი შედეგებით, ყველგან „ქართული ოცნების" კანდიდატი იმარჯვებს, წალენჯიხის გარდა. მონაცემები ასე გამოიყურება:

თბილისი - კახა კალაძე - 55,60%, ნიკა მელია - 44,39% (თბილისში მხოლოდ ერთი უბანი დარჩა დასათვლელი);

რუსთავი - ნინო ლაცაბიძე იმარჯვებს - 53,71%-ით, დავით კირკიტაძეს აქვს - 46,28%;

ქუთაისი - იოსებ ხახალეიშვილი 51,64%, ხატია დეკანოიძე - 48,35%;

ფოთი - ბექა ვაჭარაძე - 57,35% გიორგი უგულავა - 42,65%;

ბათუმი - არჩილ ჩიქოვანი - 51,1% გიორგი კირთაძე - 48,98%;

თელავი - ლევან ანდრიაშვილი - 56,89% გიორგი ბოტკოველი - 43,1%;

თიანეთი - ლევან წიკლაური - 54,82% თამაზ მეჭიაური - 45,17%;

ქარელი - ზაზა გულიაშვილი - 56.73% ნიკოლოზ ახალკაცი - 43,26%;

ხაშური - თენგიზ ჩიტიაშვილი - 59,08% იოსებ ბუაძე - 40,91%;

ცაგერი - გიორგი ნემსაძე - 62,87% ბესარიონ ბენდელიანი - 37,12%;

ბაღდათი - კახა ენუქიძე - 60,69% გიორგი რობაქიძე - 39,3%;

წყალტუბო - გენადი ბალანჩივაძე - 57,16% ზაზა მეტრეველი - 42,83%;

ოზურგეთი - ავთანდილ თალაკვაძე - 55,4% კონსტანტინე შარაშენიძე - 44.59%;

სენაკი - ვახტანგ გადელია 53.7% კობა ნაყოფია - 46,92%;

მარტვილი - თორნიკე ჯანაშია - 51,84% თეიმურაზ ჯანაშია - 48,15%;

ხობი - დავით ბუკია - 56,78% ბესიკი შენგელია - 43,22%;

ზუგდიდი - მამუკა წოწერია 51,63% ანზრო მელია - 48,36%

წალენჯიხა - გიორგი ხარჩილავა - 51,1%, გოგა გულორდავა - 48,89% (ხარჩლავა 314 ხმით უგებს კონკურენტს).

ჩხოროწყუ - დათო გოგუა 50,88%, ბადრი ქარჩავა - 49,11%;

ხელვაჩაური - ზაზა დიასამიძე 55%, მიშა ბოლქვაძე - 44.99%.