"არიან დიდი სახელმწიფოები, რომლებიც საქართველოში სხვადადსხვა ფუნქციას ასრულებენ. ერთმა სახელმწიფომ როკის გვირაბი და სამხედრო გზა ააშენა, მეორე კი, თბილისი-ახალქალაქის გზის მშნებელობაში დაგვეხმარა. მაგრამ საქართველოს გათავისუფლება, ერთიანობის აღდგენა მხოლოდ ყველა ჩვენგანის საქმეა, რომელიც ერთად, თითოეული ჩვენთაგანის ხელით არის შესაქმნელი", - განაცხადა მიხეილ სააკაშვილმა ახალქალაქში, თბილისი-ახალქალაქის საავტომობილო გზის გახსნის შემდეგ, ადგილობრივ მოსახლეობასთან შეხვედრისას.

"საქართველოში, ბოლო ეპოქებში აშენდა სამი მნიშვნელოვანი გზა. პირველი: ქართული სამხედრო გზა, რომლის მიზანი იყო კავკასიის და საქართველოს თავისუფლების მოსპობა, დამონება და კოლონიზაცია, მეორე -როკის გვირაბი, რომელიც ამ რეგიონსა და საქართველოს დანარჩენ რეგიონებს შორის არსებული საუკონოვანი კავშირების ჩაჭრას ემსახურებოდა და მესამე - თბილისი-ახალქალაქის დამაკავშირებელი ეს გზა, რომელიც როკის გვირაბის სრული საწინააღმდეგოა, რადგან ეს არის საქართველოს გაერთიანების, საქართველოს რეგიონების ერთმუშტად შეკვრისა და გათავისუფლების გზა. გილოცავთ ამ გზას, გილოცავთ ამ უმნიშვნელოვანეს დღეს", - მიმართა ქვეყნის პირველმა პირმა ახალქალაქელებს.

შეგახსენებთ, რომ თბილისი-ახალქალაქის დამაკავშირებელი საავტომობილო გზა ექსპლოატაციაში შევიდა.

გზის 224 კილომეტრიანი მონაკვეთი დღეს თავად მიხეილ სააკაშვილმა გახსნა.

ყველაზე მასშტაბური საგზაო პროექტის განხორციელებით,
დედაქალაქიდან ახალქალაქში ჩასვლა 8 საათის ნაცვლად 2.5 საათში ხდება შესაძლებელი.

ახლადგახსნილი გზა სამცხე-ჯავახეთს ქვემო ქარლთან აკავშირებს.
სამუშაობზე სულ 209 მილიონი დოლარი დაიხარჯა და ის აშშ-ის მთავრობამ და "ათასწლეულის გნვითარების კორპორაციამ" დააფინანსა.

აღნიშნული პროექტის ფარგლებში გზის გასწვრივ 200 ათასი ხეც დაირგო. ამასთან მოხდა 15 ხიდის აშენება.

გზის 224-კილომეტიანი მონაკვეთის მშენებლობას 2 წელი დასჭირდა და მასზე 300 ათას 600 ადამიანი მუშაობდა.