საფრანგეთის ქალაქ დიჟონში მომხდარი ხანძრის შედეგად დაშავებული საქართველოს მოქალაქეები საავადმყოფოდან უკვე გაწერეს.
საფრანგეთში საქართველოს კონსულის გიორგი წიქარიშვილის ინფორმაციით, მათ სიცოცხლეს საფრთხე აღარ ემუქრება.
საქართველოს საგარეო საქმეთა მინისტრის მოადგილის, ნინო კალანდაძის განცხადებით კი, დაშავებულებს სამედიცინოს გარდა, ფსიქოლოგიური დახმარებაც ჩაუტარდათ.
"მომხდარ ინციდენტთან დაკავშირებით დამატებით ინფორმაციას არ ვფლობთ, თუცმა ვიცით ის, რომ ხანძრის ადგილზე საქართველოს ორი მოქალაქე იმყოფებოდა, რომლებმაც მსუბუქი დაზიანებები მიიღეს. საფრანგეთის ხელისუფლების მხრიდან მათ არა მხოლოდ სამედიცინო, არამედ ფსიქოლოგიური დახმარება უტარდებათ", - განმარტა კალანდაძემ.
შეგახსენებთ, რომ ხანძარი ქალაქ დიჟონში საერთო საცხოვრებელში გაჩნდა, სადაც იმიგრანტები ცხოვრობდნენ. დაშავებულთაგან ორი ნესტან კოსტავა და თეიმურაზ არაბიანი საქართველოს მოქალაქეები არიან.
ხანძრის შედეგად, 7 ადამიანი დაიღუპა და 4 სერიოზულად დაშავდა.
