ახმეტის რაიონის სოფელ ზემო ხოდაშენში ავტოსაგზაო შემთხვევა მოხდა, რომელიც მსხვერპლით დასრულდა.
როგორც კახეთის საინფორმაციოს ცენტრი იუწყება, „ჟიგულის" მარკის ავტომანქანა, რომელშიც 2 მამაკაცი იჯდა, ბეტონის კედელს დაეჯახა. 33 წლის მძღოლი ადგილზე გარდაიცვალა, მეორე პირი, 33 წლის ლევან ებიტაშვილი კი სხეულის მრავლობითი დაზიანებებით თელავის რაიონულ საავადმყოფოში გადაიყვანეს. მისი ჯანმრთელობის მდგომარეობა მძიმეა.
