მოძრაობა "7 ნოემბერი" ფინანსური სამსახურების მიერ დაკისრებული ჯარიმის გამო, მაღაზიის მეპატრონის თვითმკვლელობაზე ინფორმაციას ავრცელებს.
როგორც რადიო "ჰერეთი" მოძრაობის ერთ-ერთი ლიდერის ჯაბა ჯიშკარიანის ინფორმაციაზე დაყრდნობით იუწყება, თვითმკვლელობა თელავში, გუშინ საღამოს მოხდა.
ფინანსურმა სამსახურებმა თელავში, მაღაზია "დელფინს" 250 ათასი ლარის ოდენობის ჯარიმა დააკისრეს, რის გამოც, მაღაზიის მეპატრონე პაატა პეპელაშვილმა თავი მოიკლა.
ჯაბა ჯიშკარიანის განცხადებით, ბოლო დროს რეგიონებში საფინანსო სამსახურების გააქტიურებამ მასობრივი ხასიათი მიიღო. ამ ფაქტს კი, ჯიშკარიანი ქვეყნის ბიუჯეტს უკავშირებს და ამბობს, რომ სამართალდამცველებს ბიუჯეტის ჯარიმებით შევსება აქვთ დავალებული.
