მმართველი გუნდი დამარცხების შიშით ახალი პოლიტპატიმრების გაჩენაზეც არ იხევს უკან - ასე ეხმაურება "ევროპული საქართველოს" წევრი, ლაშა დამენია ყოფილ ძალოვნებზე განხორციელებულ დევნას.
"ქართული ოცნება“ ყოველგვარ ზღვარს გადასცდა. ყოფილი ძალოვნების დაპატიმრება, ეს ნიშნავს ახალი პოლიტპატიმრების გაჩენას, იმიტომ რომ მმართველ გუნდს მეორე ტურებში ფაქტობრივად ყველგან დამარცხების შიში აქვს, მათი ეს ქმედება არის შიში ფაქტორის დათესვის მცდელობა, თუმცა მინდა დავარწმუნო ისინი, რომ მათ არანაირი მანიპულაცია ამ არჩევნებზე არ უშველის, ისინი პირწმინდად დამარცხდებიან და საქართველოს მოსახლეობა ამას 30 ოქტომბერს დაუმტკიცებს მათ" - განაცხადა დამენიამ.
