სწორია პოზიცია, როდესაც ოპოზიციური პარტიები „ნაციონალური მოძრაობის“ კანდიდატებს მეორე ტურში ღიად არ უჭერენ მხარს, მიიჩნევს "მოქალაქეების" ერთ-ერთი ლიდერი ლევან იოსელიანი.
„ის პარტიები, რომლებიც „ნაციონალური მოძრაობის“ კანდიდატებს ღიად არ უჭერენ მხარს, სწორს აკეთებენ. ამით ცდილობენ, საკუთარი პარტიული იდენტობა გადაარჩინონ და ეს სწორია. ახლა პატარა და შუაში მყოფი პარტიებისთვის მნიშვნელოვანია, რომ რომელიღაც დიდი პარტიის ქოლგის ქვეშ არ აითქვიფონ“, – განაცხადა იოსელიანმა.
