ბათუმისა და ლაზეთის მიტროპოლიტი დიმიტრი მიხეილ სააკაშვილის გათავისუფლების მოთხოვნით შექმნილ პეტიციაზე ხელმომწერ მღვდელმთავრებს გამოეხმაურა.
მეუფე დიმიტრის განცხადებით, შერიგების სურვილი უნდა მოდიოდეს ტანჯულისგან და არა მტანჯველისგან, მტანჯველი კი სინანულს უნდა განიცდიდეს.
"შერიგება საღმთო საქმეა, ჩვენი რწმენის დედა აზრი და საფუძველთა საფუძველი, შერიგების სურვილი უნდა მოდიოდეს ტანჯულისგან და არა მტანჯველისგან, მტანჯველი კი სინანულს უნდა განიცდიდეს, პეტიციაზე ხელმომწერ მღვდელმთავრებს მივმართავ, ერთხელ მაინც თუ შეხვედრიხართ ამ ტანჯვა-წამება გამოვლილ ოჯახებს, მათი ჭირ-ვარამი თუ მოგისმენიათ?", - წერს მიტროპოლიტი სოციალურ ქსელში.
შეგახსენებთ, მიხეილ სააკაშვილის გათავისუფლების მოთხოვნით შექმნილ პეტიციას ხელი მოაწერეს ეპისკოპოსმა მარგვეთსა და უბისის ეპისკოპოსმა მელქისედეკ ხაჩიძემ, კუმურდოს, ახალქალაქისა და კარის მიტროპოლიტმა ნიკოლოზ ფაჩუაშვილმა, შემოქმედის მიტროპოლიტმა იოსებ კიკვაძემ. მანგლისისა და თეთრიწყაროს მიტროპოლიტი ანანიამ კი განაცხადა, რომ ხელს მოაწერს პეტიციას.