საპატრიარქოს პოზიციას არ წარმოადგენს არც ერთი განცხადება, რომლებიც ცალკეულმა მღვდელმთავრებმა გააკეთეს, აცხადებს საქართველოს საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე.
მისი განმარტებით, ეკლესია სულ ამბობს, რომ ერთმანეთს მივუტევოთ, მაგრამ ეს არ ნიშნავს, რომ სახელმწიფოს ფუნქციონირების პარამეტრებში და კატეგორიებში გადის ქრისტიანული მოწოდებების შესრულება სრულად.
"ეს რომ იყოს, აქამდე ძალიან ბედნიერად ვიცხოვრებდით. საპატრიარქოს პოზიცია არ არის არც ერთი განცხადება, რაც კერძოდ გააკეთეს მათ“, – განაცხადა ანდრია ჯაღმაიძემ.
მიხეილ სააკაშვილის გათავისუფლების მოთხოვნით შექმნილ პეტიციას ხელი მოაწერეს ეპისკოპოსმა მელქისედეკ ხაჩიძემ, მიტროპოლიტმა ნიკოლოზ ფაჩუაშვილმა, შემოქმედის მიტროპოლიტმა იოსებ კიკვაძემ.
