"თუ საზოგადოება გადაწყვეტს და ექნება სურვილი, რომ აიღოს მართვა, 3 თვეში იქნება ამ ქვეყანაში ვადამდელი არჩევნები. თუ საზოგადოება პასიური იქნება, იქნებიან კობახიძეები და მდინარაძეები, თუ ეს საზოგადოებას უნდა", აცხადებს რუსთავში "ნაციონალური მოძრაობის" მერობის კანდიდატი დავით კირკიტაძე.
მისი განმარტებით, მიუხედავად იმისა, რომ "ქართულმა ოცნებამ" ყველაფერი გააკეთა არჩევნების პროცესის დისკრედიტაციისთვის, ეს არჩევნები შედგა და "ქართული ოცნება" დამარცხდა.
"რაც შეეხება მეორე ტურში მხარდაჭერას, მეორე ტურში ღრმად ვარ დარწმუნებული პირველ რიგში საზოგადოების მხარდაჭერაში. შესაბამისად, იქნება ოპოზიციის რეალური მხარდაჭერაც იქიდან გამომდინარე, რომ ის პოლიტიკური ძალები და ორგანიზაციები, ვინც უსმენს ხალხს, განსხვავებით „ქართული ოცნებისგან", დღეს რეალურ ოპოზიციას წარმოადგენენ", - განაცხადა კირკიტაძემ.
