"ქართული ოცნების" თავმჯდომარის ირაკლი კობახიძის განცხადებით, მიხეილ სააკაშვილის ვიდეო ბათუმში ჩაწერილი არ არის და იგი საქართველოში არ იმყოფება.
"რაც შეეხება სააკაშვილს, პირველი, სააკაშვილი საქართველოში არ არის. მეორე, ეს ადამიანი არის კლოუნი, ამას გეუბნებოდით გუშინ, მანამდეც და ეს კიდევ ერთხელ დადასტურდა კიდევ ერთხელ. მესამე, ნეტავ, ყოფილიყო საქართველოში, ამ შემთხვევაში, სრულიად ქართული საზოგადოება კიდევ ერთხელ დაინახავდა, როგორი კლოუნია მიხეილ სააკაშვილი და ამით საბოლოოდ დასრულდებოდა ის სიმახინჯე, რომელიც ქართულ პოლიტიკაშია, მათ შორის პოლარიზაციის კუთხით. მიხეილ სააკაშვილი არ არის ბათუმში, მისი ვიდეო არ არის ჩაწერილი საქართველოში, ეს არის ის, რაც შემიძლია, თამამად გითხრათ", - განაცხადა ირაკლი კობახიძემ.
მიხეილ სააკაშვილმა დილით სოციალურ ქსელში გამოაქვეყნა პოსტი, სადაც მიანიშნა, რომ შემოვიდა ქვეყანაში და უკვე საქართველოშია.
ამასთან, მოგვიანებით, მან გაავრცელა ვიდეომიმართვა, რომელშიც ის აცხადებს, რომ იმყოფება ბათუმში.
„ეს არის ჩემი ბათუმი, ისე მენატრებოდა აქაურობა, დღეს არის ჩემი ოცნების ასრულება“, – ამბობს ვიდეომიმართვაში სააკაშვილი.
