Youtube-მა კრემლის პროპაგანდისტული მედიაჰოლდინგის Russia Today-ის ორი გერმანულენოვანი არხი სამუდამოდ, აღდგენის შესაძლებლობის გარეშე, დაბლოკა.
კომპანია Google-ის განცხადებით, რომელიც ფლობს პლატფორმა Youtube-ს, რუსეთის სახელმწიფო მაუწყებელმა დაარღვია COVID-19 საინფორმაციო პოლიტიკა, ავრცელებდა რა კორონავირუსის შესახებ დეზინფორმაციას.
როგორც იუწყებიან, სამუდამოდ დაბლოკვამდე, Russia Today-ის მიეცა რამდენიმე გაფრთხილება და მოგვიანებით, ერთკვირიანი აკრძალვა, თუმცა პროპაგანდისტული არხი კვლავ ცდილობდა, აკრძალვის გვერდის ავლით, გაევრცელებინა დეზინფორმაცია.
Russia Today-ის მთავარი რედაქტორი მარგარიტა სიმონიანი არხების დაბლოკვას სოციალურ ქსელში გამოეხმაურა და მოუწოდა რუსეთის ხელისუფლებას, დაუყოვნებლივ მიიღოს საპასუხო ზომები.
"ეს არის ნამდვილი მედია ომი, რომელიც გერმანიამ რუსეთს გამოუცხადა", - განაცხადა სიმონიანმა.
