ყველამ იცის, გეოპოლიტიკური მნიშვნელობა საქართველოსი და საქართველოს მონაწილეობა საერთაშორისო პროცესებში ჩვეულებრივ ამბად იქცა, - ამის შესახებ საპარლამენტო უმრავლესობის წევრმა, გია ვოლსკიმ პრემიერ-მინისტრ ირაკლი ღარიბაშვილის გაერო-ში გამოსვლის შეფასებისას განაცხადა.
მისი თქმით, ფაქტია, რომ რეგიონს ნამდვილად სჭირდება ჰაბი, ფორმატი, სადაც საქართველო საგანგებო როლს შეასრულებს, რადგან ეს რეგიონი არის საგანგებო მნიშვნელობის მსოფლიოსთვის.
"ყველამ იცის, გეოპოლიტიკური მნიშვნელობა საქართველოსი და საქართველოს მონაწილეობა საერთაშორისო პროცესებში ჩვეულებრივ ამბად იქცა. როდესაც პრემიერ-მინისტრი ღარიბაშვილი საუბრობს, საუბრობს იმ ქვეყნის სახელი, რომელიც არის პარტნიორი და რომელმაც არაერთხელ გამოიჩინა თავი რეგიონალური თუ საერთაშორისო პრობლემების მოგვარების საქმეში, ფაქტებს აღარ ჩამოვთვლი. ფაქტია, რომ რეგიონს ნამდვილად სჭირდება ჰაბი, ფორმატი, სადაც საქართველო საგანგებო როლს შეასრულებს, ვინაიდან, თავად ეს რეგიონი არის საგანგებოდ მნიშვნელობის მთელი მსოფლიოსათვის. არამარტო სამხრეთ კავკასიაზე აქ საუბარი, საერთოდ შავი ზღვის რეგიონის უსაფრთხოების თემა არის ის, რაც გვაინტერესებს ჩვენ, მაგრამ რასაკვირველია, ჩვენ მარტო არ ვართ. აინტერესებს მსოფლიოს აინტერესებს პარტნიორ ქვეყნებს და აქ შექმნილი ვითარება მნიშვნელოვან გავლენას მოახდენს მთელ მსოფლიოში არსებულ ვითარებაზე. ვითარება რთულია, დაძაბულობა პიკს აღწევს ზოგიერთ რეგიონში განსაკუთრებით. სულ ახლახანს საკმაოდ მძიმე საომარი მოქმედებები გადაიტანა სამხრეთ კავკასიის რეგიონმაც. აქაც საქართველოს პოზიცია ყველასთვის ნათელია, არის გარკვეულწილად შევსებული კონკრეტული ქმედებებით, რაც მომავალში გასათვალისწინებელი და შეიძლება სამაგალითოც იყოს", - განაცხადა გია ვოლსკიმ.