ყველა ცდილობს, რომ საქართველოს ხელისუფლებასთან ჰქონდეს მჭიდრო, საქმიანი და მეგობრული ურთიერთობა - ამის შესახებ პარლამენტის ვიცე-სპიკერმა, გია ვოლსკიმ გაეროში პრემიერ-მინისტრის ვიზიტის შეფასებისას განაცხადა.
მისი განცხადებით, საქართველოს, როგორც რეგიონალური ლიდერის, პოზიციები გაძლიერდა.
"რეგიონალური ინტერესებიდან გამომდინარე ყველა ცდილობს, რომ საქართველოს ხელისუფლებასთან ჰქონდეს მჭიდრო, საქმიანი და მეგობრული ურთიერთობა. საინტერესო შეხვედრები გაიმართა გაეროში და მე ვფიქრობ გარკვეული საქართველოს პოზიციები გაძლიერდა, არა მარტო ევროკავშირის სისტემაში, არამედ ზოგადად რეგიონალური ლიდერის პოზიციიდან გამომდინარე", - განაცხადა ვოლსკიმ.
საქართველოს პრემიერ-მინისტრმა ირაკლი ღარიბაშვილმა ნიუ იორკში სხვადასხვა ქვეყნის ლიდერთან შეხვედრები გამართა. ირაკლი ღარიბაშვილი შეხვდა თურქეთის, პოლონეთისა და მოლდოვის პრეზიდენტებს, ასევე ავსტრიის კანცლერს.
პრემიერ-მინისტრის გაეროს გენერალურ ასამბლეაზე სიტყვით გამოსვლა 24 სექტემბერს იგეგმება.
