ქართველმა ახალგაზრდამ ქაღალდის სარჭის ელექტრომობილში გადაცვლა გადაწყვიტა.
"ჩემი მთავარი მიზანი, არც ელექტრომობილია და არც რაიმე სხვა მატერიალური სარგებელი; ეს წამოწყება უფრო სოციალური ექსპერიმენტია რომლითაც ხალხის, რეაქციას ჩართულობას და დამოკიდებულებას ვამოწმებ... თან ვფიქრობ, პორექტის წარმატების შემთხვევაში, გაცვლა-გამოცვლის [ბარტერის] კულტურის ყოველდღიურ ცხოვრებაში პოპულაიზაციას შევუწყობ ხელს".
სოციალურ ქსელში გავრცელდა ვიდეო, რომლითაც ჟორა კეისარმა, მისივე თქმით - ცხოვრებაში ყველაზე დიდი პროექტი წამოიწყო. კანადელი კაილ მაკდონალდის წარმატებით ინსპირირებულმა, გადაწყვიტა ქაღალდის სარჭი (საკანცელარიო სკრეპი) გადაცვალოს ელექტრომობილში. თუმცა არა პირდაპირ, არამედ მიმდევრობითი ცვლების და ღირებულების ეტაპობრივი ზრდის მეშვეობით.
"ფეისბუქ ჯგუფში როგორც კი დავდე პოსტი, მოულოდნელად ბევრი პოზიტიური გამოხმაურება და ემოცია მივიღე. მეგობრებთან ერთად, უცხო ხალხიც მწერს სოციალურ ქსელებში და დადებით დამოკიდებულებასთან ერთად თავიანთ აზრებს, რჩევებს მიზიარებენ. ბევრმა დაიჯერა ამ წამოწყების წარმატება... უკვე რამდენიმე გაცვლა განვახორციელე და შემართება ყველა ჯერზე უფრო მემატება".
