ჩვენ იმედი გვაქვს, რომ „ნაციონალური მოძრაობა“ გადახედავს თავის პოზიციას, - განაცხადა "ლელოს" ერთ-ერთმა ლიდერმა ბადრი ჯაფარიძემ. მისი განმარტებით, ნიკა მელია ალბათ, ივანიშვილის უმრავლესობას გულისხმობდა და არა ოპოზიციას.
"როგორც გაირკვა, „ქართული ოცნების“ სურვილი არ არის რიგგარეშე სხდომის ჩატარება. გუშინ ცალსახად თქვა ეს „ქართული ოცნების“ ლიდრმა, რომ მათ არ აქვთ დაგეგმილი რაიმე სხდომის ჩატარება არჩევნებამდე, შესაბამისად, მათ ეს არ სურთ. მესმის, რომ ყველა ველზეა და დატვირთულები ვართ, მაგრამ ოპოზიცiური ერთობა სწორედ ამიტომ არის აუცილებელი, რომ მოვითხოვოთ დებატები ამ ამაზრზენ ფაქტებთან დაკავშირებით, ვგულისხმობ ფაილებს, რომელიც ასახავს უკანონო მოსმენებს და ამასთან დაკავშირებით გაიმართოს პარლამენტში დებატები. ჩვენ იმედი გვაქვს, რომ „ნაციონალური მოძრაობა“ გადახედავს თავის პოზიციას და იმისათვის, რომ რიგგარეშე სხდომა მოვიწვიოთ, საჭირო რაოდენობის ხმებს მოვაგროვებთ“ , - განაცხადა ჯაფარიძემ.
ამ დროისთვის სამმა ოპოზიციურმა პარტიამ – „საქართველოსთვის“, „გირჩმა“, „მოქალაქეებმა“ და „სტრატეგია აღმაშენებელმა“ მხარი დაუჭირეს „ლელოს“ ინიციატივას გავრცელებულ ჩანაწერებთან დაკავშირებით რიგგარეშე სხდომის მოწვევაზე.
ინიციატივას არ უერთდება „ნაციონალური მოძრაობა“.