პარტია "გირჩი მეტი თავისუფლების" ლიდერმა ზურაბ ჯაფარიძემ და პარტიის წარმომადგენლებმა, პროტესტის ნიშნად, სახელმწიფო უსაფრთხოების სამსახურის შენობასთან [მოდული] "შკოდა ოქტავიას" მარკის ავტომანქანა უროებით დაამტვრიეს.
"აქედან იმართება ეს ქვეყანა. ახლა 2 ოქტომბრის არჩევნებიც აქედან ჩატარდება. ეს არის სისტემა, რომელიც მართავს ქვეყანას, ისინი არიან შემომძვრალი ყველგან, თქვენს ცხოვრებაში და აკონტროლებენ ყველაფერს. ყველაფერი იციან თქვენზე, ყველა სუსტი წერტილი, რითი შეიძლება თქვენი დაშანტაჟება და ამითი მართავენ ქვეყანას.
ეს მორდორი არის დასანგრევი ეგრევე, როგორც კი ხელისუფლება შეიცვლება, პირველი რაც არის გასაკეთებელი, ეს საგიჟეთი არის დასანგრევი. ამათ სიმბოლო არის "შკოდა ოქტავიები", რომლითაც დადიან. ეს მორდორი უნდა დაინგრეს და დაილეწოს, ზუსტად ისე, როგორც მათი სიმბოლო "შკოდა ოქტავია" დაილეწება ახლა", - თქვა ჯაფარიძემ.