ჩვენი ამოცანაა, შევცვალოთ ხელისუფლება და არ მივუშვათ სააკაშვილი ხელისუფლებასთან - ამის შესახებ "სტრატეგია აღმაშენებლის" ლიდერმა, გიორგი ვაშაძემ ტელეკომპანია "იმედის" ეთერში განაცხადა.
ვაშაძემ ყველას მოუწოდა, ნაკლები ყურადღება დაუთმონ სააკაშვილს და მეტი ყურადღება ხელისუფლების ცვლილებისკენ მიაპყრონ.
"მე ყველას ვურჩევდი - ნაკლები ყურადღება სააკაშვილზე, მეტი ყურადღება ხელისუფლების ცვლილებებს. გვაქვს ორი ამოცანა - შეცვალოთ ხელისუფლება და არ მივუშვათ სააკაშვილი ხელისუფლებამდე - ესაა „მესამე ძალა“ და „სტრატეგია აღმაშენებლის“ რეალური ამოცანა. ამ შემთხვევაში ექნება საქართველოს ნათელი მომავალი. საქართველოს სჭირდება ახალი თაობის პროფესიონალი ადამიანები და არა წარსულის უკან დაბრუნება", - განაცხადა ვაშაძემ.