სააკაშვილი კალიბრიანი პოლიტიკოსია, მელია არის არავინ მის ფონზე - ამის შესახებ კულტურის მინისტრმა, თეა წულუკიანმა ტელეკომპანია "იმედის" გადაცემაში "არჩევნები 2021" განაცხადა.
წულუკიანის განცხადებით, მისი სურვილია სააკაშვილი საქართველოში დაბრუნდეს, რადგან დროა, "ძებნილები დაუბრუნდნენ სამშობლოს".
"მე ძალიან დიდი სურვილი მაქვს დაბრუნდეს, იმიტომ, რომ დროა, ალბათ, ძებნილები დაუბრუნდნენ სამშობლოს. კანონს ისინი ვერ გაექცევიან, აქ ხანდაზმულობის ვადა არ მოქმედებს და მუდმივად გადახვეწილები ხომ არ იქნებიან, ოდესღაც უნდა აგონ პასუხი კანონის წინაშე. მაგრამ ეს არ არის ის ფიგურა, რომელიც ჩამოვა. ეს არ არის ის ფიგურა, რომელზეც შეიძლება ამდენი საუბარი.
მელია ვერ ჩამოყალიბდა მიშას ფონზე პოლიტიკურ ფიგურად, სამწუხაროდ. სააკაშვილის დადებით შეფასებზე, ვერავინ დამდებს ბრალს, მაგრამ არის რაღაცა კალიბრაჟი, სააკაშვილი კალიბრიანი პოლიტიკოსია, მელია არის არავინ მის ფონზე. არის შიგნით რაღაცა ეტყობა, მოკლედ, მელია არის არავინ", - განაცხადა წულუკიანმა.