"რიგგარეშე არჩევნები არ იქნება, წერტილი" - ამბობს პარლამენტის თვითმმართველობის კომიტეტის თავმჯდომარე სოზარ სუბარი.
მისივე თქმით, თვითმმართველობის და საპარლამენტო არჩევნები ერთმანეთს არ ებმის.
„არანაირი 43% და 55% არ არის ბმაში, რადგან თვითმმართველობის არჩევნები არის თვითმმართველობის, საპარლამენტო - საპარლამენტო და მათ ერთმანეთთან ბმა არ აქვს.
თვითმმართველობის არჩევნებზე ადამიანები ირჩევენ მერებს, საკრებულოებს, რომლებიც ადამიანებს ადგილებზე უკეთ უნდა მოემსახურონ და უთხრან, რომ ფასადი შეიღებება, კანალიზაცია მოწესრიგდება, გზები დაიგება, ეს ფული დაიხარჯება ხალხისთვის და არ იქნება მოპარული. მოქალაქეებს ამას ოპოზიცია არ ეუბნება, ამას მხოლოდ „ქართული ოცნება“ ეუბნება." - ამბობს სუბარი.
მისივე თქმით, 43%-ზე "საუბარი სასაცილოა", რადგან სუბარი დარწმუნებულია, რომ "ოცნება“ 50%-ზე მეტს აიღებს და პირველივე ტურში გაიმარჯვებს.
"თბილისში „ქართულ ოცნებას“ გაცილებით მაღალი რეიტინგი აქვს, ვიდრე გასული წლის შემოდგომაზე ავიღეთ" - ამბობს სუბარი.
