ისეთი სისტემაა შემოღებული, რომ არჩევნებს რომც გინდოდეს ვერ გააყალბებ. ასეთი სურვილი კი არავის გააჩნია, - ამის შესახებ პარლამენტის პირველი ვიცე-სპიკერმა, გიორგი ვოლსკიმ დღეს მმართველი პარტიის მიერ გავრცელებული ინფორმაციის შეფასებისას განაცხადა, რომლის თანახმადაც, არჩევნებისთვის ცესკოს მიერ რეგისტრირებული დამკვირვებელი არასამთავარობო ორგანიზაციების ნაწილი ოპოზიციურ პოლიტიკურ პარტიებთან არის აფილირებული.
„თუ სამეთვალყურეო მისია იქნება, ამაში ცუდი არაფერია, მაგრამ ფაქტია, რომ ეს არ არის სამეთვალყურეო მისია. ეს არის მისია იმისთვის, რომ დაძაბულობის ის ხარისხი შექმნას, რომელმაც შეიძლება დესტაბილიზაციამდე მიიყვანოს. ანალიზი აქვთ გაკეთებული და თავადაც იციან, რომ პერსპექტივა გამარჯვების არ არსებობს. ვფიქრობ და მაქვს საფუძველი პასუხისმგებლობით განვაცხადო, რომ ისინი სამი ოქტომბრის დესტაბილიზაციისთვის ემზადებიან“, - განაცხადა გიორგი ვოლსკიმ.
