ნიდერლანდური გამოცემა Diplomat Magazine აქვეყნებს სტატიას სახელწოდებით: "საქართველოს როლი ავღანეთიდან ევაკუაციაში".
სტატიაში ხაზგასმულია ქართული მხარის აქტიური მონაწილეობა ნატოს მისიებში.
"დღეს, როდესაც ავღანეთში მომხდარმა ტრაგიკულმა მოვლენებმა დაგვაყენა მასშტაბური ჰუმანიტარული კრიზისის საფრთხის წინაშე, საქართველო კვლავ აქტიურად არის ჩართული ჰუმანიტარული და ევაკუაციის პროცესების მართვაში", - წერს სტატიის ავტორი.
ნიდერლანდების საელჩო საქართველოში, მადლობას უხდის საქართველოს მთავრობას და აეროპორტის ხელმძღვანელობას შესანიშნავი თანამშრომლობისთვის.
ინფორმაციას საგარეო საქმეთა სამინისტრო ავრცელებს
