პარტია "ლელო საქართველოსთვის" ლიდერი მამუკა ხაზარაძე საქართველოში დაბრუნებასთან დაკავშირებით მიხეილ სააკაშვილის განცხადებას ეხმიანება.
ხაზარაძის თქმით, სააკაშვილის ეს განცხადება ხელისუფლების წისქვილზე ასხამს წყალს და ხელს უშლის ოპოზიციურ ფრონტს გამარჯვებაში.
მისივე განცხადებით, 2 ოქტომბერს ოცნება დამთავრდება და დაიწყება საქმის კეთება.
"სააკაშვილის მორიგი წინასაარჩევნო განცხადება, საქართველოში ჩამოსვლასთან დაკავშირებით, ივანიშვილის და ოცნების წისქვილზე წყლის დასხმა და საერთო ოპოზიციური ფრონტისთვის გამარჯვებაში ხელის შეშლაა. ამ გამარჯვების მისაღწევად "ლელო" აგრძელებს კოორდინირებულ მუშაობას არჩევნებში მონაწილე ნამდვილ ოპოზიციურ ძალებთან. 2 ოქტომბერს ოცნება დამთავრდება და დაიწყება საქმის კეთება.", - წერს ხაზარაძე სოციალურ ქსელში.
