სამი ქართული კომპანია-"გუდვილი", "ვისოლი ჯგუფი" და "ეფეს საქართველო" ევროპული ბიზნეს დაჯილდოვების "Ruban d'Honnereur" - ის პრიზიორთა შორის მოხვდნენ. ევროპული ბიზნეს დაჯილდოვების გენერალი სპონსორია HSBC ბანკი.
"Ruban d'Honnereur" - ის პრიზით სულ დაჯილდოვდა ევროპის 100 საუკეთესო კომპანია.
ამასთან დაკავშირებით ზემოთნახსენები კომპანიებისა და ბანკ HSBC საქართველოს წარმომადგენლებმა ერთობლივი პრესკონფერენცია გამართეს.
"ჩვეთვის დიდი პატივია ევროპის 100 საკეთესო კომპანიას შორის მოხვედრა. ეს თითოეული ჩვენი თანამშრომლის დიდი შრომისა და ღვაწლის შედეგია. კომპანია "ვისოლი" საქართველოში სწორი სტრატეგიით გამოირჩევა. ჩვენ ამ სტრატეგიით ვიმოქმედებთ და ეს კომპანიას ბევრი სიახლის დანერგვაში დაეხმარება", - განაცხადა კომპანია "ვისოლის" გენერალურმა დირექტორმა ვასილ ხორავამ.
წელს ამ სიაში პირველად მოხვდნენ ევროკავშირში არ მყოფი ქვეყნებიც: ყაზახეთი, თურქეთი, ისრაელი, სომხეთი, რუსეთი და საქართველო.
ევროპული ბიზნეს დაჯილდოვება უკვე ოთხი წელია რაც არსებობს. კომპანიების დასახელება მოხდა შემდეგი კრიტერიუმების დაკმაყოფილებით: კომპანიის სტრატეგია, ზრდის სტრატეგია, მომხმარებლის ფოკუსირება, კორპორატიული მდგრადობა, გარემოს დაცვითი ცნობიერება, საუკეთესო დამსაქმებელი და თავჯდომარის არჩევანი.
"ეს ჯილდო ქართულ კომპანიებს საშუალებას მისცემს უფრო ცნობადები გახდნენ ევროპული მასშტაბით. ქართული კომპანიების ნუსხა შეიქმნა, საიდანან სამი საუკეთესო გამოვავლინეთ", - განაცხადა HSBC საქართველოს გენერალური დირექტორის მოადგილემ ვლადიმერ რობაქიძემ.
კომპანიებს პრიზები 16 ნოემბერს პარიზში გადაეცემათ. 100 კომპანიას შორის მოხვდნენ "ტურკსელი", "ალკატელი", "პროქტერ ენდ გემბელი" და სხვა ცნობილი კომპანიები.
