განათლებისა და მეცნიერების სამინისტროს ბიუჯეტი 554 მილიონი, ხოლო სპორტისა და ახალგაზრდულ საქმეთა სამინისტროს ბიუჯეტი 34 მილიონ 100 ათასი ლარი იქნება.
ამის შესახებ ჟურნალისტებს ფინანსთა მინისტრის პირველმა მოადგილემ პაპუნა პეტრიაშვილმა განუცხადა.
მისივე თქმით, 2011 წლის ბიუჯეტში გაზრდილია განათლების სამინისტროს დაფინანსება 17 მილიონი ლარით, რომელიც მოხმარდება სკოლების დაფინანსებას, ასევე სახელფასო დანამატებს.
სპორტისა და ახალგაზრდულ საქმეთა სამინისტროს დაფინანსება კი გაზრდილია, დაახლოებით, 3 მილიონით.
შეგახსენებთ, რომ კომიტეტების სხდომა პარალმენტში ამ წუთებში დაიწყო, სადაც სიტყვით ფინანსთა მინისტრის პირველი მოადგილე პაპუნა პეტრიაშვილი გამოვა და კომიტეტის წევრებს განათლებისა და მეცნიერების სამინისტროს და სპორტისა და ახალგაზრდულ საქმეთა სამინისტროს ბიუჯეტზე ინფორმაციას მიაწვდის.