საერთაშორისო გამოფენა "ADJARA FASHION PROJECT-2010"-სა და "ADJARA BRANDS -2010"-ში მონაწილე კომპანიების რაოდენობა, შესაძლოა, გაიზარდოს.
როგორც სააგენტო "ჯი-ეიჩ-ენს" გამოფენის ორგანიზატორებმა განუცხადეს, გამოფენის მონაწილე კომპანიების დაინტერესება დიდია და შესაძლოა სიას კიდევ რამოდენიმე კომპანია დაემატოს.
"ADJARA FASHION PROJECT-2010"-სა და "ADJARA BRANDS -2010"-ში მონაწილე კომპანიებია: "არქეოსი" (არქიტექტურული, პროექტირება), "ახალი ნათება" (განათების აღჭურვ), "ჰიდროსაიზოლაციო ტექნოლოგიები"- PPENETRON (ჰიდროსაიზოლაციო ტექნოლოგიები), "იმედი-ლ" (სადაზღვევო), "ბათუმის ბიზნეს ინკუბატორი" (მრავალდარგობრივი), "ირკო დიზაინი" (დიზაინი, პროექტირება), "ვივა იბერია"- Dreamhouse (იტალიური ავეჯი), Air Batumi (ავაკომპანია), "არქ-ლენდი" (არქიტექტურული),Out door cinema (მონიტორები), "ლაურა ღაჭავა" (სამკერვალო სახლი), "VertexManufacturing LTD" (სამშ.მასალა), Turkish Airlines (ავიაკომპანია), "ბათუმის საერთაშორისო აეროპორტი" (აეროპორტი), "ბათუმის საკონტეინერო ტერმინალი" (ტერმინალი),Na-Chi Georgia LTD (სამშენებლო მასალები), "MillenniumM-z" (ავეჯი, დაპროექტება), "Randi" (ავეჯის საწარმო), "BEKO" (საოჯახო ტექნიქა), "ავტოსალონი" (ავტოსალონი), Development Solutions (Radisson) (საინვესტიციო),Bee line (მობილური ქსელი), BM Group "ჩვენი სახლი" (საინვესტიციო), "ირაო" (სადაზღვეო), Star Elektromarket (თურქული) (მრავალდარგობრივი), სამშენებლო და არქიტექტურული კომპანიები (11 კომპანია), საფინანსო დაწესებულებები -ბანკები (საფინანსო), თურქული კომპანიები (14 კომპანია), გერმანული კომპანია (მრავალდარგობრივი), უკრაინული კომპანია (3 კომპანია) (მრავალდარგობრივი).
საერთაშორისო გამოფენა აჭარაში 26-28 ნოემბერს "ADJARA FASHION PROJECT-2010" და "ADJARA BRANDS -2010" გაიმართება.
პროექტი ბათუმის მერიის, აჭარის განათლების, კულტურისა და სპორტის სამინისტროს, სასტუმრო "შერატონის~, თურქეთის საკონსულოს (კომერციული ატაშეს) მხარდაჭერით ხორციელდება და მასში ქართული და შავი ზღვის აუზის ქვეყნების (საქართველო, თურქეთი, უკრაინა და სხვა) სამშენებლო კომპანიები და სხვა ბრენდები მონაწილეობენ.
გამოფენის ორგანიზატორთა განმარტებით, საქართველოში, კერძოდ აჭარაში, სწრაფი ტემპით მიმდინარეობს აღმშენებლობითი პროცესი. კიდევ უფრო ლამაზდება და მშვენდება ბათუმი.
"გამოფენის მიზანია ხელი შევუწყოთ თქვენი ბიზნესის პოპულარიზაციას. საქმიანი და მეგობრული ურთიერთობის დამყარებას სხვადასხვა უცხოურ კომპანიასთან, თქვენი პროდუქციის რეკლამირებას და რეალიზაციას", - განმარტავენ "ADJARA FASHION PROJECT-2010"-სა და "ADJARA BRANDS -2010"-ს ორგანიზატორები.
გამოფენაში მონაწილეობის მსურველ კომპანიებს, გამოფენის ორგანიზატორები მაქსიმალურ საინფორმაციო სარეკლამო მომსახურებას და გამოფენის მაღალ ხარისხოვან ორგანიზებას პირდებიან.
გამოფენაზე მოწვეული არიან სტუმრები: ბიზნესმენები, ინვესტორები, საინვესტიციო კომპანიები, სარეკლამო კომპანიები, და აშ.
გამოფენაში მონაწილე კომპანიები, წარმოადგენენ პროფუქციას სარეკლამო ბანერის სახით (საინფორმაციო სარეკლამო დაფა, პლაკატი, ბუკლეტი, მაკეტი, სარეკლამო ვიდეორგოლი ან სხვა საინფორმაციო საშუალებები), რომელიც განთავსებული იქნება საგამოფენო დარბაზში.
"ADJARA FASHION PROJECT-2010"-სა და "ADJARA BRANDS -2010"-ის პროგრამის მიხედვით, გამოფენის პირველი დღეს, 26 ნოემბერს, მოწვეულ სტუმრებთან ერთად გამოფენის გახსნაა დაგეგმილი. 27 ნოემბერს გამოფენის დათვალიერება ნებისმიერ მსურველის შეეძლება, ხოლო 28 ნოემბერს დაგეგმილია გამოფენის დახურვა, საუკეთესო კომპანიებისა და ბრენდების დაჯილდოება.
"ADJARA FASHION PROJECT-2010"-სა და "ADJARA BRANDS -2010"-ის დახურვის ცერემონიალზე, მოეწყობა "Fashion Party" მოდების ჩვენება, რომელშიც მონაწილეობას მიიღებენ სარეკლამო-სამოდელო სააგენტოს მოდელი გოგონები. ასევე შეირჩევა ამა თუ იმ კომპანიის სარეკლამო სახეები, გამოვლინდებიან "Miss Sheraton" და "Miss Adjara fashion".