კახა კალაძე პირველივე ტურში დამაჯერებლად გაიმარჯვებს, 50 გახარია რომც შემოვიდეს მინდორზე - ამის შესახებ საპარლამენტო უმრავლესობის წევრმა სოზარ სუბარმა განაცხადა.
სუბარის თქმით, გიორგი გახარიას ამოცანაა, როგორმე ნიკა მელია მეორე ტურში გადაიყვანოს.
"გიორგი გახარია ორიოდე თვის წინ ამბობდა, რომ ის თბილისის მერობის კანდიდატად მონახავდა ბევრად უკეთეს კანდიდატს, ვიდრე თვითონ არის, მაგრამ ვერავინ მონახა, ვერ დაითანხმა ვერავინ და იძულებული გახდა, თვითონ დამდგარიყო. რატომ გახდა იძულებული, იმიტომ, რომ მას აქვს ის ამოცანა, რა ამოცანაც ჰქონდა, როცა პრემიერობიდან გადადგა – როგორმე გადაარჩინოს „ნაციონალური მოძრაობა“, როგორმე გადაარჩინოს ნიკა მელია. ახლაც მისი ამოცანა არის, რომ როგორმე, თავისი მესამე ადგილზე გასვლით შექმნას საფუძველი, იქნებ მიაღწიოს მეორე ტურს მელიას და კალაძეს შორის. დარწმუნებული ვარ, მეორე ტური არ იქნება, რადგან კახა კალაძე დამაჯერებლად მოიგებს პირველივე ტურში, 50 გახარია რომ შემოვიდეს მინდორზე მაინც", - განაცხადა სოზარ სუბარმა.