იმედი მაქვს, რომ 2 ოქტომბერს იქნება თავისუფალი, სამართლიანი არჩევნები, - ამის შესახებ საქართველოში შეერთებული შტატების ელჩმა, კელი დეგნანმა განაცხადა.
მისი თქმით, ის იმედოვნებს, რომ საარჩევნო კამპანია, საარჩევნო გარემო ფოკუსირებული იქნება საკითხებზე, ამომრჩევლებისთვის ახსნაზე, თუ რას გააკეთებენ კანდიდატები მათი ყოველდღიური ცხოვრების გაუმჯობესებისთვის.
"ყველაფერი დამოკიდებულია ქართველ ამომრჩეველზე და ყველაფერს ვნახავთ 2 და 3 ოქტომბერს. ვიმედოვნებთ, რომ ეს საარჩევნო კამპანია, საარჩევნო გარემო ფოკუსირებული იქნება საკითხებზე, ამომრჩევლებისთვის ახსნაზე, თუ რას გააკეთებენ კანდიდატები მათი ყოველდღიური ცხოვრების გაუმჯობესებისთვის. ასევე, ვიმედოვნებთ, რომ პოლიტიკური ლიდერები აქტიურად და ცხადად ისაუბრებენ დაშინების, თავდასხმებისა და სოციალურ მედიაში შევიწროების წინააღმდეგ. იმედი გვაქვს, რომ პოლიტიკური ლიდერები უზრუნველყოფენ უსაფრთხო გარემოს, მათ შორის კოვიდ შეზღუდვების შესაბამისად. ვიმედოვნებთ, რომ ამომრჩევლები ინფორმირებული მისცემენ ხმას. იმედი მაქვს, რომ ეს იქნება კარგი, თავისუფალი და სამართლიანი არჩევნები“, – განაცხადა კელი დეგნანმა.
