უკრაინის პრეზიდენტი ვოლოდიმირ ზელენსკი ვაშინგტონში სამუშაო ვიზიტით იმყოფება.
ვიზიტს ფარგლებში უკრაინის პრეზიდენტი და პირველი ლედი ვაშინგტონში ჰოლოდომორის მემორიალს ეწვივნენ და პატივი მიაგეს დაღუპლთა ხსოვნას.
"ეს მემორიალი უკრაინის მიმართ ამერიკელი ხალხის სოლიდარობის მნიშვნელოვანი სიმბოლოა და იგი კიდევ ერთხელ შეგვახსენებს იმ საშინელ ტრაგედიას კაცობრიობის ისტორიაში, რომელიც უკრაინელ ხალხს დაატყდა თავს", - თქვა ზელენსკიმ.
ჰოლოდომორის მემორიალი ვაშინგტონის ცენტრში 2015 წელს გაიხსნა.
ვაშინგტონში ზელენსკისა და პრეზიდენტ ჯო ბაიდენის შეხვედრა დღეს გაიმართება. ვიზიტი კვირას, 5 სექტემბერს დასრულდება.
ჰოლოდომორი - მასობრივი შიმშილობა უკრაინაში გამოწვეული იყო საბჭოთა კავშირის პოლიტიკით, რომელმაც გლეხებს აიძულა გაწევრიანებულიყვნენ კოლექტიურ მეურნეობებში. რუსეთის ხელისუფლება კატეგორიულად უარყოფს ჰოლოდომორის გენოციდად აღიარებას.
2006 წლის ნოემბერში უკრაინის უმაღლესმა რადამ, 1932-1933 წლების ჰოლოდომორი აღიარა, როგორც უკრაინელი ხალხის მიმართ განხორციელებული გენოციდი.
გარდა უკრაინისა, ჰოლოდომორი უკრაინელი ხალხის გენოციდად სახელმწიფო დონეზე აღიარებულია მსოფლიოს 15 სახელმწიფოს მიერ.