საქართველოს ვიცე-პრემიერი, საგარეო საქმეთა მინისტრი დავით ზალკალიანი, 2021 წლის 26 აგვისტოს, ქაბულის აეროპორტში მომხდარ აფეთქებას ეხმაურება და ამის შესახებ სოციალურ ქსელ Twitter-ის პირად გვერდზე წერს.
"სასტიკად ვგმობ ქაბულის აეროპორტში განხორციელებულ ლაჩრულ ტერორისტულ შეტევას. გულითადად ვუსამძიმრებ მსხვერპლთა, მათ შორის აშშ-ის დაღუპული სამხედრო მოსამსახურეების ოჯახებს.
საქართველო დგას საერთაშორისო თანამეგობრობასთან ერთად ტერორიზმის წინააღმდეგ ბრძოლაში, რათა დასრულდეს ძალადობა და ქაოსი ავღანეთსა და მის ფარგლებს გარეთ," - წერს ზალკალიანი.
